"Rhoihesse Doc" - Hans-Gerald Forg
Anzeige

Alzey (RD) – Jostes ihr liebe Leit.
Jetzt hot graad de Ebling die neie Reschele fers Lebbe in Meenz verkünd… unn prompt steht es Telefon in de Praxis nit mehr still.

Anzeige

“Ei mer leeft die Nose, hunn isch jetzt Corona????”

Awwer schbass beiseid, des Thema is bitterernscht, aach wenn der Mischter Trambel nach soine eischene Aussache jo jedzt immun is….

Nach dem Moddo: „was uns nit umbringt mecht uns nur hädder „

Nee , nee ihr Leit. So isses leider nit.

Aach wenns des des olle Trampeltier nicht rischtisch kronk gemacht hot, des is schon was gonz Ernschtes.

Unn es is gut dass ihr im Zwoifelsfall boim Dokter eierens Vertrauens oorieft um den aach relativ sischer zu mache unn dass ihr den odder soi Helferinne net oosteckt.

Weil die Regierung war nämlisch schlau unn hot Reschele fer soo ne Fäll ausbaldowert:

  1. hoste Fieber unn hoste Kondakt zum Corona Kronke gehatt – donn meldste disch boi der Nummer 116117 ohne Vorwahl odder boim Gesundheidsamd
  2. hoste kää Fieber abber Huschde und sunscht nix odder Dorschfall – donn wenndste disch aach dohin.
  3. hoschte goar nix abber doi Corona-App schreidt Alarm – riefste es Gesundheitsamd oo.
  4. hoschte Halsweh unn Schnubbe ohne ebbes onerschter – riefste erst bei doim Hausarzt oo unn frachst die Helferinnen ob de kumme derfschst…

Da net jeder e Tumpeldier iss was nach em Coronakondakt immun is, werdd sich doin Dokdder und soi Helferinne vor Infektione schütze. Unn dozu geheert zum Bleistift aach, dass mer en getrennte Oigong und Ausgong hot, damit sich Infizierde und Gesunde nit ibber die Fiess laafe. Unn des hot halt nit jede Praxis.

In diesem Sinne bleibt gesunn,
„stay home and stay safe“ unn
nemmt eier Schnuudeschützer

In eurem Sinne, eiern „Rhoihesse Doc“

Zum Rhoihesse Doc: Hans-Gerald Forg betreibt seine Hausarztpraxis in Mainz-Marienborn.
Es handelt sich dabei um eine Schwerpunktpraxis für Schmerztherapie und Palliativmedizin, Forg ist Facharzt der Allgemeinmedizin; Notfall- und Palliativmedizin, FK Geriatrie, Tauchmedizin (GTÜM) und er betreibt suchtmedizinische und psychosomatische Grundversorgung, die Praxis ist eine Substitutionsstelle.
Seine Praxis wird regelmäßig zu den TOP5 in Mainz bei Jameda gewählt.
Seit 1999 ist Herr Forg leitender Notarzt des Kreises Alzey-Worms

Anzeige