Jostes ihr Leit…
Jetzt isses soweit. Mer gehe im Lockdown ins neie Johr … Die Impfunge sinn oogelaafe aber im Moment noch viel zu wenige. Abber ihr misst Eich aach emol den Kraftakt vorstelle 83.000.000 Mensche zu impfe….. des muss mer sich emol in Ruh durch die Hernzelle laafe losse.
Unn in de Zwischezeid sinn mer vunn e paar Volldolle abhängig… unn isch meen dodemit nit unser Politiker.. sunnern die Leit die maane sisch immer noch in Gruppe uff de Gass rumtreibe zu misse… vielleicht traue die sisch aach net alloo vor die Dier…. bei monsche konn isch des sogar verstehe.
Odder die maane Coronaparties feiern zu misse …, und.. und..und… ihr wisst was isch meen.
Ich ruf net dodezu uff zu denunziere, abber zeicht Zivilcourage unn sprecht die Leit oo… manchmal bassiert des aach nur „aus Versehe“ wonn de Schnuudelappe erunner rutscht…
Der Lockdown betrifft uns all… isch wär aach lieber uff aaner Silvester Parddie , zumal isch des erste Mal seid Joare emol frei hab. Abber was halt net is is halt net.
Unn wollt ihr das mit dene Kontaktbeschränkunge bis zum Sanktnimmerleinstach? Wenn des zunimmt mit dene Infektione kennt er eisch warm ooziehe. Die Regierung werrd des zum Schutz des Lebens ( unser Grundgesetz: Recht auf körperliche Unversehrtheit) durchziehe., egal wie es mit Gütern (wie zum Beispiel die Unterhaltungs- oder Gastronomiebranche) weiddergeht.
Weitere 14 Daach sinn ja fast schun beschlosse…unn des is alles Zeid wo ihr eure Kronke odder alte Herrschafte im Heim net so besuche kennt wie des scheee wär..
In Eurem Sinne:
Isch wünsch Eich en guude Beschluss unn en guude Anfang eines bessere 2021.
Traacht eiern Schnuudelappe, halt Abstand unn wäscht eich die Händ.
Eiern Rhoihesse Doc.