Jostes ihr Leit.
Jetzt isses werre soweit.
Die nächste Feierdache stehe vor de Dier unn was kenne mer mache?
Nix…..?
Des is joo Quatsch. Mer lebbe in so aaner scheene traumhafte Gegend. Do mache annern Leit Urlaub.
Warum mir net?
Wie bei annerschter Sache aach: drausse Appetit hole unn dahaam esse.
Mer habbe so scheene tolle Plätze bei uns und die meeschde kenne jo noch net emol.
Moi Hitlischt an Ostern wonn ich net gerad uffm Notarztwaache bin:
- en scheene Spaziergang um de Ibbesheimer See unn dann noch e Stück an der Nahe entlang. Als Essensvorschlag fer dahaam: „entbeintes Hähnchen uff em Kartoffel-Gemüsebett“. Kann so 2 Stunden im Ofen schmoren, so lange dauert ungefähr der gemütliche Spaziergang.
- etwas fer der Leit die e bisschen schneller laafe wolle: En Rundgang ums „Zotzenheimer Horn“ mit Wald, Feldern unn em goile Blick bis zur Nahe unn es Hügelland. Da des e bissl länger dauert ruhig e Brot mitnemme, dort gebts scheene Bänk. Unn dahaam konn schon emol die Lammkeule gemütlich bei 120-150 Grad fer Stunde im Ofe losse.
- Der Hügelpfad vun Venderschem nach Wörrstadt. Entlang quasi der L414. Dort kommt ihr an einen Steintisch ((49.8626207, 8.0792333)), dort sind alle sichtbaren Ortschaften und Sehenswürdigkeiten des Hügellandes eingraviert. Schön mit em Gläsje Woi unn em Fernglas bei guter Sicht oifach geniesse. Dodezu basst natierlich wonn mer haamkimmt Horische und Saumagen. Konnste gut vorbereite und donn mit dem Rescht vum Woi als Sossegrundlage geniesse..
So des warn die scheene Sache die mer on Oschtern mache könne.
Was mer net mache sollt wär Eiersuche mit de gonz Verwandschaft, grosse Ostergelage mit zig Leit. Die Spaziergäng kennt er aach scheee mit eire Liebschte entsprechend der Vorgabe mache.
Mer habbe do halt immer noch e Damoklesschwert ibber uns ( die Geschicht kennt er?), und kaaner will de Kopp drunner halte wann des erunner kimmt.
Unn wann ich mer so moi Patiente Spektrum in de Notaufnahme odder im Notarztdienst oogugg ist des Dreckding net nur a paar Zentimeter tiefer gesunke sonnern e paar Meter und hängt uns quasi schun im Genick…
Also in eurem Sinne:
Basst uff eich uff
halt Abstand
traacht eiern Schnuudelappe
und wascht die Badschehändscher oft
Eiern Rhoihesse Doc