Jostes ihr Leit……
Die Grippesaison hot noch net oogefange und alle hunn die Gripp.
Abber kooner kennt de Unnerschied zwische de Vreck, odder aach Rüsselpest genennt und de Gripp.
Wonnde disch oogesteckt hoscht geht des Drama bei de Vreck longsam los.
Ersch hoste Halsweh,eventuell aach e bissje Fieber.
Donn komme Kopp- und Gliederschmerze unn Du fühlst Dich wie vum Panzer ibberrollt. Abber net so schlimm….
Unn donn kimmt erscht die laafende Noos und de Huschde.
Des hält donn fer 7-14 Daach oo und donn biste widder de Alde. Nur doin Huschde konn noch länger dauere, der reinischt quasi doi Atemwesche.
Die Vreck (grippale Infekte) löse en Haufe Viren aus, die sinn es ganze Joahr vorhanne, braache abber des kallde nasse Klima um ann dene Schleimheud andocke zu könne. Unn da des so viele verschiedene sinn kann mer aach net impf
Die echt Gripp (Influenza) werdd nur von wenische Vire (dene „Influenza-Vire“, gesche die mer aach impfe konn) ausgelöst. Aach diese Vire komme in de kalde Jahreszeit vor, abber die sinn dann begrenzt uff die Jahreszeit. Imm Sommer sterbe die ab odder mache nit mehr kronk.
Die Gripp geht mit plötzlische Kopp unn Gliederschmerze los, abber rischdisch heftisch.
Dodebei kimmt hohes Fieber, meischt ibber 39 Graad.
Unn Du hoscht kaan Schnuppe odder e verstoppt Nose. Genausowenisch Halsweh. Abber Du hosch plötzliche schlimme truckene Huschte.
Du fühlst Disch rischtisch kronk und Du konnst aach sterbe. Gefährlisch sinn vor alle Dinge die alsolute Echöpfung und Begleitinfekte wie Lungeentzündunge.
Desderwesche hot unsern vadder Staat aach fer Risikopersone unn äldere Patiente die Koschde fer die Grippeimpfung ibbernomme. Die krieeht er vun eierm hausarzt odder Betriebsarzt – nutzen die Meeschlichkeit noo Meglichkeit.
In eurem Sinne , bleibt gesund,
euern Rhoihesse Doc