"Rhoihesse Doc" - Hans-Gerald Forg
Anzeige

Jostes ihr Leit ….
Also mich hot des mit de USA joo schun nachdenklisch gemacht……

Anzeige

Die habbe 700 Miliarde Verteidigungsetat…. un donn stürmt en Typ im Büffelkostüm es Capitol – Unn net nur des, die Bube die mit der Hohlbirne unterwegs warn habbe T-Shirts an, wesche dene mer hierzulande verhaftet werd.. un zu was: zu Recht.
Auschwitz war kaan „recreational club“ wie do druff zu lese war.

Irgendwie sin die Gene vun dene Jungs anscheinend alle gleich. Dene ihr Vädder habbe es anscheinend net ibber de Berg ins Nachbardorf geschafft..

Unn moin „Freund”  es  Trampeltierche geheert nach der Aktion eischentlisch direkt in de Knascht.. wo is donn do die amerikanisch Behörde wonn es um Volksverhetzung geht…. irgendwie dränge sich mir do echt Parallele vun von 1933 uff. Unn des soll nie widder geschehe. Ich dacht letscht Woch schoo der 3. Weltkrieg kimmt. Isch hann im Nachtdienst die gonz Nacht vorm Fernseh gehockt und escht Ängscht gehot. Abber mer was joo net was die Amis noch im eischene Land veranstalte.

Jo. Unn ibber Corona will isch misch im Moment aach net weidder auslosse. Nur so zwei Sache misse gesaacht werden:

  1. Des is long noch nit vorbei. Unn so wie mer korz nach Silveschter mit de Familiebesuche und hochschnellende Zahle zu tue hunn, werrn mer jetzt die Quittung fer die Deppe krien die am letzte Wochenende gemeent hunn dass es Corona in der frische Luft net gibbt unn sich des Virus bei dene viele Leit beschrimmt jemond annetschter eraussucht.   Leit o Leid…….
  2. jo des ist des mit dene Impfunge. Ab letzten Montach warn jo die Anmeldunge meeschlisch. Abber uff er tote Homepage konn mer sisch net aanmelde. Also eischentlisch wern dodefor e paar leistungsfahigere Server gut gewehn. Und die vielgelobte Impfungen… bei mir im Rettungsdienst hunn die ersct e paar… unn des hängt net an uns… und wehe es breche trotz uffbasse gonze Schichte wesche Coronafäll eweg…..

In eurem Sinne 

Halt Abstand, schwätzt nur uff Entfernung unn traacht eiernen Schnuudelappe

Eiern Rhoihesse Doc 

Anzeige